ملخص درس من تبلور الوعي الوطني الى الثورة التحريرية تاريخ ثالث ثانوي باك جميع الشعب مظاهرات 1 ماي 1945
.
درس ( الجزء الأول) : من تبلور الوعي الوطني الى الثورة التحريرية ( الجزء الأول)
.
.مرحباً اعزائي طلاب وطالبات العلم في موقعنا باك نت يسرنا بزيارتكم أن نقدم لكم من كتاب الطالب اللغة العربية للتعليم المتوسط و البكالوريا 2023 شرح ملخص وحل تطبيقات دروس ونصوص مقترح كما نقدم لكم الأن أعزائي الطلاب... ملخص درس من تبلور الوعي الوطني الى الثورة التحريرية تاريخ ثالث ثانوي باك جميع الشعب مظاهرات 1 ماي 1945
الإجابة هي
ملخص درس من تبلور الوعي الوطني الى الثورة التحريرية
بعد الثورات الشعبية المسلحة والغير المنظمة لي قام بيها الشعب منذ دخول الإستعمار سنة 1830 ومن بعد راح للثورات السياسية لي قام بيها عبد الحميد بن باديس وكان الهدف منها توعية الشعب والتفاوض مع فرنسا و محاولة الرقي بالشعب لكن هادو الطرق ماقدرنا نديرو بيهم والو .... هنا بدى يخمم الشعب و يعي أن ماذهب بالقوة ل يسترد إلا بالقوة ....تحت شعار لايفل الحديد إلا الحديد والنحاس والرصاص و الثورة هي الحل .... وباه نعرفو هادو كامل تبع معايا مليح كيفاه كانت وكيفاه خممولها وكيفاه ديماراو فيها
.
.
مظاهرات 1 ماي 1945
نمو الوعي السياسي لدى الشعب وعرف أنو فرنسا تتمسخر بالشعب بالوعود الكاذبة ووعدهم أنو إذا شارك الشعب الجزائري في الحرب العالمية راح تعطيهم الإستقلال(بيان فيفري 1943)
الناس عادت اتبع الجرائد وتقرى شوية وشافو واش يقول مبدأ تقرير المصير لي كان في ميثاق الأطلسي و تاني خطاب ديغول والمبادئ لي تنادي بيها هيئة الأمم
نتائج مظاهرات 1 ماي 1945
التنكيل بأكثر من 45 الف جزائري في مجزرة كبيرة زيدلهم المعتقلين و المعطوبين و المفقودين
تاني حلو الأحزاب السياسة والتفرقة بين الشعب والأحزاب
الشعب فهم وعرف أنو الكفاح السياسي تمسخيرة برك ولازم يكون كفاح بالسلاح و الرصاص هو لي يهدر ماشي السياسة
.
.
دستور 20_09_1947 : هدا دارتو فرنسا بعد ماخافت من أحداث ومظاهرات 8 ماي 1945 وهذا ماشي دستور هذا راه مراوغات وتبلعيط للشعب الجزتئري فقط وحبت تبين للشعب والعالم كي شغل مدت للجزائر الاستقلال وشغلت وفاة بوعدها كي حاربنا معاها في الحرب العالمية الثانية وباه تكسب شوية وقت للتخطيط و المناورة ومن هذه القوانين :
الجزائر قطعة فرنسية و الجزائريين جنسيتهم فرنسية ... بإمكان الشعب المحافظة على الإسلام ....بإمكان الجزائريين الدخول إلى البرلمان مع الفرنسيين ....اللغة العربية يعترف بها كلغة ثانية بع الفرنسية
وهذا الدستور قبل به المعمرين (المعمرين هم لي جاو سكنو في الجزائر و أغلبهم أفارقة ويهود) .... مي هنا ناضت الأحزاب مثل حزب الحركة الوطنية و حزب الشعب ( كان اسمو حزب الشعب من بعد ولى اسمو حركة إنتصار الحريات الديمقراطية ) خرجو وقالو لالا ومايساعدناش هدا الدستور ورفضو و قالولهم كيفاه اديرو دستور بدون حضورنا وهنا بدى حركة إنتصار الحريات الديمقراطية ( حزب الشعب سابقا) تخمم في حل يناسبها وبعد تفكير طويل أسست منظمة سرية كي شغل فرع عسكري والهدف انتاعو حتى ويحكمو هادي المنظمة مايقدروش يحكمو حزب انتصار الحريات الديمقراطية ومايقدروش يحبسوهولهم
.
.
إنشاء المنظمة السرية : برئاسة محمد بلوزداد وكانت ... وي ليزووم وكانت مهمته تشكيل تنظيم سري عسكري و بداو يوجدو للكفاح المسلح .... محمد بلوزداد بدى يضم في خيرة الشباب مثل (محمد بوضياف و أحمد بن بلة و حسين ايت احمد و و و) وقامو بجمع الأسلحة و أعداد مراكز التدريب ... والقيام بعمليات فدائية مثل ضرب بريد وهران و ومنجم الونزة وهجمات على مراكز الشرطة وفي 1950 فاقت فرنسا للمتظمة وكشفوها و حكمو أكثر من 300 عضو و تشتت المنظمة السرية و خيرة الشباب مثل (محمد بوضياف و أحمد بن بلة و حسين ايت احمد و و و) رجعو إلى حزب حركة إنتصار الحريات الديمقراطية ( حزب الشعب سابقا) باه كملو التخطيط و كيفاه يديرو مع فرنسا
.
.
